بحث طارق عبد المعطي

ملخص حوار طارق عبد المعطي مع طلبة كلية الآثار

لقد قمنا بحذف عبارات المجاملة أو السخرية أو العبارات المكررة أو الغير متخصصة وأبقينا ما هو في صلب الموضوع

ولمن يريد أن يعرف تفاصيل الحوار التي وردت على الانترنت في 19 صفحة فعليه الدخول على الموقع المشار إليه في هذا الحوار  

جاجا

موقع طارق عبد المعطى بيوضح فيه بكل بساطة انه :

** اكتشف اخطاء فى ترجمة شامبليون للغة المصرية القديمة ووصل لنتائج مهمة فى بحثه
** وصل لنظريه بتوضحلنا حاجات كتير فى تاريخ مصر بواقعية
** ظلم المتخصصين ليه فى مجال الاثار واغتصاب بحثه ونظريته

شريف

انا دخلت الموقع ومقتنعتش بأي حاجة فيه

أصلاً طارق ده مش متخصص

وبعدين هو بيتكلم في خطأ في الترجمة خطأ ازاي اذا كان بنلاقي نصوص بتتكلم

عن اثار في اماكن معينة بتحددها النصوص دي ولما بننقب في الأماكن بنلاقيها اذن الترجمة صح

زي المساكن اللي لقينها في جنوب فلسطين بناءاً على نقوش من عهد الملك سنفرو

ماكرو

وبعدين هو معترض علي طريقة قراءة أسماء الملوك أنه ( من المنتصف للأخر للأول ) طبعا دي بالنسبة للناس اللي بتدرس لغات مش غريبة لأن في بعض اللغات القديمة ( مثل التي كانت سائدة في العراق القديم ) كانت لها نفس الخصاص سواء في قراءة الأسماء أو في أستخدام المخصصات _ وبعدين شمبليون ماقلش أن اللغة الهيروغليفية يمكن أن تقرأ من أسفل الي أعلي .

حور

يابنى دا مش عارف يفرق بين الاسم واللقب الملكى

دا مش اكتر من مدعى غير متخصص عايز يعمل لنفسه بروباجندا وخلاص

رأي فى ... هذا الطارق مش من رأي الشخصى الى اجمع عليه كتير من المتخصصين... وحضرتك
لو راجعت الموقع كويس .. وعلى الرغم من ان تخصص حضرتك اسلامك بس تقدر تعرف كذب دعواه
هو اساسا لا عرض بحث ولا يحزنون مش اكتر من تفسير سطحى للقب البر عا وذكر اسماء مليكات
مصر فى مواضع مصريه باسماء نابعه من الشرق الادنى...
وبعد كدا بعض النظريات الهندسيه الفزيائيه البحته ... وبقيت الموقع قال وقلنا وراحم وجم
واتهامات مباشره للدكتور عبد الحليم نور الدين ودكتور علا العجيزى .. وخلاص

طارق عبد المعطي

السلام عليكم ورحمة الله وبركاته

الاخت الفاضله جاجا لكي مني الف شكر وتقدير واحترام لما بذلتيه ليس من اجلي ولكن من اجل بلدنا الحبيب مصر وتراثها الغالي فانت وامثالك من الجيل الجديد عصب مستقبل مصرنا الحبيبة ان نهضوا نهضت مصر ( المرء باصغرية قلبة ولسانه )

اما بالنسبة للغة اعلم انك متخصصة وبيني وبينك مناقشة طويله ليس فيما تقولية ولكن عن اخطأ شامبليون ومن تبعة حتا الان انتي قلتي البر عا هذا البر عا في ترجمة شامبليون يعني اسم فرعون اثار مصر بطولها وعرضها اين الحرفين المزعومين الذي اكتشف شامبليون انهم اسم فرعون

الاخ الفاضل شريف تعليمي ليس مقياس لعلمي واهب العلم الله سبحانه وتعالي جميع حكايات تاريخ مصر بلا استثناء المأخوذ من منيتون فهو صحيح وانا موضح ذالك في موقعي تاريخ مصر ليس مبني علي ترجمة شامبليون شامبليون بنا ترجمته علي تاريخ مصر

حور

ســـــــــــــورى؟ مش فاهمه...حضرتك تحديدا تقصد أيـــه بـــ أين ؟؟ !! البر عا لم يذكر فى ترجمــــــه شامبليون وحدها

شريف

أولاً انا برحب بحضرتك جداً استاذ طارق في موقعنا المتواضع
يشرفنا ان الباحث الذي دوخ كبار علماء المصريات عضواً في منتدانا
ونتمنى من الله تعالى ان يصبح موقعنا منبراً حراً تعبر فيه عن رأيك
بكل حرية ونتناقش في مسألة بحثك الشائكة ... اما ان تقنعنا او نقنعك
وانا بدوري سأقوم بإعادة تثبيت الموضوع حتى يتسنى للجميع قراءته
ومن ثم الإستفسار والمناقشة .... ولكن أرجوا منك أن تفهمنا بالبلدي كدة
ماذا تريد أن تثبت بالضبط ... حيث ان كلامك سايح على بعضه ان صح التعبير
ولك جزيل الشكر

حور

دوخ مين؟ ودوخهم ازاى يعنـــــــــــــــــــــــــى؟ دوخهم فى المحاكم تقصد؟

شريف

أقصد دوخهم في انه مش قادر يثبت صدق نظريته اللي مش قادر يوصلهالنا اساساً
انا بجد يا استاذ طارق بحاول افهم حضرتك تقصد ايه من ردك عليا بخصوص معركة قادش
حضرتك مجاوبتش على حاجة غير انك بتتهرب بمنتهى الدبلوماسية

حور

أستنـــــــــــى شريف ...أنا بردو مافهمتش كتير من شرحه المبسط بايجاز.... بس يمكن العيب فينا

ومش هنطلق احكام من اول جوله ...كفايه اوى ان الراجل كلف خاطره وجالنا

طارق

اظن قلت قبل كدة انا مخلص تعليمي من 1984 تقريبا قبل ميلادك وبعدين انا مشيت في البحث دة كبحث حر مش بحث اكاديمي هل اديسون كان اكاديمي رغم كم اختراعاته التي نستعملها حتي الان وامثله كثيرة المهم مش عاوز اشعب الموضوع

حور

أنت عملت زى الى ذهب وجاء ووصف الماء بالماء

شريف

ولي استفسار بسيط حضرتك على أي اساس بتنطق الحروف يعني مثلاً حضرتك

بتقرأ (بنا وإله و ق) والمعروف ان النطق اللي احنا اتعلمناه مأخوذ من النطق الذي ينطق حتى الأن

طارق

الأخت الفاضلة انتي بتقولي "ومش مساله زعل والله ... بس انا وانت مش على لينك واحد ... ومش شايفه خطوط واضحه لفكر حضرتك ...وكل ردودك فيها زوغان من الموضوع وكلام فى العام"

ازاي بزوغ من الموضوع وتقريبا كلامي كله في صلب الموضوع وهو ان اللغة المصرية القديمة ترجمت خطأ ودة اساس الموضوع نأكد الخطأ وبعدين الباقي سهل

شريف

انت بتقول يا طارق "اللغة المصرية القديمة حروفها كتيره كدة المفروض تكون حروف تتكون من 25 حرف او 28 كما في العربية لان اللغة العربية هي ام اللغات لحين وجدت كلمة مر علي معبد ابي سنبل لها شكلين وتترجم بحرف واحد هنا اكتشفت ان شامبليون وقع في خطأ جسيم وهو انه لم يتيقن ان الحروف كانت تترجم الحرف باكثر من شكل"

الكلام ده ينطبق على اللغات اللي بتتكون من ابجدية زي اللغة العربية والانجليزية ... الخ
بيتكونوا من 28 أو 26 حرف ده كلام مظبوط ... ولكن في لغات كتيير جداً مش بتتكون من ابجدية زي اللغة الصينية اللي بتفوق ال 4 الاف حرف .. كل حرف يعتبر مقطع صوتي لأن مفيش تشكيل او حروف حركة

طارق

اخي شريف ان اثبت خطأ شامبليون يكون هذا الكلام محط نقاش وان لم اثبت خطأ شامبليون سيكون هذا الكلام الذي اقوله ليس له اي لازمة لعدم استطاعتي اثبات خطأ شامبليون في حين اثبات خطأ شامبليون لن يسأل هذا السؤال لان الترجمة خطأ من الاثاث وان لم اثبت خطأ شامبليون يبقا الوضع كما هو علية غير معقول ان اشتري صفحتين بنزين لسيارة ليس معي حقها اما اشتري السيارة ابقا افكر في البنزين
علي كل علشان مش احب ازعلك بعدم الرد

شريف

بس عايز اوضح حاجة ... ان شامبليون لم يكن هو الوحيد الذي فك رموز اللغة المصرية القديمة
شامبليون بس فتح الباب امام العلماء ... واللي كمل بعده وقطع شوط كبير في فك الرموز كان توماس يانج
ومن بعدهم جاردنر وفوكنر ... يعني دور شامبليون كان بسيط جداً بالمقارنة بالناس دي ... وعلى العموم
اكمل استاذ طارق وكلنا اذان صاغية

طارق

حاشرح بحثي الآن

صا صا

معذرة انا مقراتش الموضوع والردود كلها
بس يعنى هل يعقل هذا ، هذا نوع من التفجير الاعلانى لهذا الرجل

طارق

تاريخ مصر القديمة حقيقي ليس مزور

نعم معركة قادش أحداثها حقيقية معاهدة السلام بين فرعون وخاتوسيلي حقيقية كل ما ذكر عن تاريخ مصر القديمة من خلال الكاهن مانيتون حقيقي الخطأ كان شامبليون فقط هو ومن جاء بعدة كذلك الأبحاث الأوربية التي اتبعها شامبليون ارجوا أن تستوعبوا ما أقول وما أتي به في ترجمة حروف ( خط ) لغة مصر القديمة ذكر في كتاب إتحاف أبناء العصر بتاريخ ملوك مصرالمطبوع سنه 1893م والموجود بدار الوثائق العامة بالمنصورة أي بعد وفاة شامبليون بـ( 61 ) سنه أن بعد ترجمة "مانيتون" تاريخ مصر من المصرية القديمة إلى اليونانية وترجم من اليونانية إلى الفرنسية ثم بعد ذلك قام الأستاذ ( "عبد الله" بك الشهير"بأبي السعود" مدير عموم المكاتب الأهلية سابقا ) بترجمته من الفرنسي إلى العربية
وفي المشاركة الاخير وضحت ان شامبليون ترجم لغة مصر من تاريخ مصر ولم يترجم تاريخ مصر من لغة مصر

شريف

أستاذ طارق , طبعاً حضرتك عارف ان وضع الفرض هو اول خطوة في البحث العلمي
بمعنى اني لو عايز افسر أي حاجة لازم اضع فروض في الأول يعني (أخمن)
والا لو مخمنتش يبقى مش هوصل لحاجة خالص ... وده اللي عمله شامبليون
خمن نطق الحروف على اساس النطق القبطي يعني مش من دماغه ودي حاجة مش وحشة
وحاول يثبت النطق ده من خلال مقارنة الكلمات اللي بيلاقيها وبينطقها بحسب الفرض اللي وضعه

طارق

مش كل الي يعرف لغات يعرف كل شئ كان في زمن شامبليون من يعرف لغتين عالم الان يتكلم عشر لغات وتجدة مازال في التعليم انا اثبت خطأ شامبليون من خلال ما قاله شامبليون

اساس اكتشاف شامبليون لغة مصر القديمة هو خرطوش بطليموس وكليوباترا وكان هذا الحرف () هو اساس ترجمة شامبليون بالفلاحي اخي جيت في ارض ملك لك انت وبنيت عمارة بفلوسي دون اذنك اقدر فيما بعد اثبت ان العمارة بتاعتي دة فرض

شريف

وايه علاقة المثل اللي حضرتك قلته بموضوعنا اصلاً؟!! ... على العموم لم اقتنع
وحضرتك بردوا تهربت من الرد للمرة الثانية .... على ماذا استندت؟
لايمكن ان تثبت صحة رأيك بمجرد اثبات اخطاء الأخرين ... لابد ان تثبت اولاً على ماذا استندت
حتى نقتنع ان رأيك صحيح ... اجوك دعنا من اخطاء شامبليون ... فلنفترض انه مخطئ .. خلاص
اثبتلنا بقى صحة نظريتك بعيداً عن اخطاء شامبليون ... ما انا ممكن اعمل نظرية انا كمان لو هنطلع اخطاء الأخرين

طارق

اقصد بهذا المثل ان الحرف دة هوا اثاث اكتشاف شامبليون طيب الحرف دة بالذات مش كان موجود الا في اخر الاسرة الخامسة والعشرين مش ينفع ابني علي نفس الحرف الاسرات من الاسرة الاولي الي الاسرة الخامسة والعسرين يعني ببني في ملك غيرة

شريف

ومين قالك ان شامبليون بنى الأسرات ماقبل ال25 على الحرف ده ...
اذا كان ترجمة شامبليون هي اللي اثبتت ان الحرف ده ظهر في الأسرة 25
ولو لاحظت حضرتك ان الحرف ده مبيجيش في اسم اي ملك غير ملوك البطالمة اليونانيين

طارق

اخت حور مشاء الله عليكي الف شكر انا عمري ما زعلت من صراحة احد بل بالعكس بس لي رجاء فيما بعد ان حبيتي تردي علي كلامي لا بد تردي علي الي انا كاتبة مش اتكلم في خطأ شامبليون تتكلم في جبت الكلام بتاعك وجبت ترجمتك ازاي مش ينفع تردي علي السؤال بسؤال المفروض تردي بايجابة بصفتك متخصصة معارضة الجاهل لما يوصل بجهله لتفسير تعامد الشمس كامله لا بد له من وقفة مش من هجمة ليه ترجمة لغة مصر مش حد فسر تعامد الشمس من خلالها مش برضة اول من نفذها قدماء المصريين اول انسان بعد قدماء المصريين فسرها بترجمته انا باذن الله صح ولا عندك جديد لية ترجمة شامبليون ومن بعدة مش فسرتها المهم اختصار للمساحة فكما قلت ليكي قبل انتي تجادلين من اجل المجادله مش زنبي انك في لينك غير لنكي اما حظي وقعني في طريقك او حظك وقعك في طريقي

انا سألت اسئله بختصار شديد ولم اجد ايجابة ( فاقد الشئ لا يعطية يا أهل الاختصاص )
ارجوا ان وجدتم ايجابة تكون مختصرة وفي صلب الموضوع علما بانني اشك في ذالك

شريف

كلام استاذ طارق كله بيدور على اثبات 9 اخطاء لشامبليون ... تمام قوي ... انا معاه للنهاية ... لكن هو كل خطأ بيقول طبقاً - لترجمتي - طيب ايه اساس ترجمته؟ .. مش عايز يرد وقلب الرأي العام علينا واننا بنستفذه والحوار مش متحضر ... انا مخرجتش عن الموضوع ... ولكن انا بسأل سؤال عارض في صلب الموضوع وسألت سؤالي اكتر من مرة ... وكل مرة الاستاذ طارق بيقول خلينا اكمل الأخطاء الأول ... ماشي كمل بس وضح النقطة اللي قلتها الأول - طبقاً لترجمتي - !!!!!!!!!!

طارق

اخي شريف لما حطيط تفسير تعامد الشمس الذي احتار علماء العالم فيها مش علقت عليها باسلوب علمي لية اخي شريف لما انا مش برد علي اسئلتك محدش منكم كمتخصصين وصل لتفسير الظاهرة قبلي ولا حيوصل ليها ان شاء الله بترجمة شامبليون ولا بعد الف سنه اما بالنسبة لتعليقك

كوكو

السلام عليكم ورحمة الله وبركاته
هذه أول مشاركة لى وأنا قررت أن أشارك فى هذا المنتدى المحترم والرائع بعد أن قرأت هذا الموضوع وقد أستفزنى جدا جدا
ورأيت من واجبى الوطنى أن أرد على هذا النصاب الذى يدعى طارق عبد المعطى لأنى أعرفه معرفه شخصية وأعرف أنه نصاب ومزور
وأنا سأقدم لكم حقيقته كاملة على عدة حلقات ولتكن هذه هى بداية الحلقات وهذا ليس لأنى عدوا له أطلاقا ولكن رأيت أن أكتب هذه الحلقات حتى لا ينخدع فيه الناس ويتعاطفون مع شخص نصاب هدفه هو تزوير التاريخ وجمع الأموال

وفى البداية أحب أن أعرفكم من هو طارق عبد المعطى هوا ليس باحث ولا أى حاجه ولا يملك من الشهادات أى حاجة سوى شهادة دبلوم المدارس الصناعية وأبوه يعمل حلاقا ويوجد لديه محل حلاقه وكذلك طارق يعمل بنفس المهنة .................................................... والبقية فى الحلقات القادمة أنشاء الله .

على فكرة كل كلمة أقولها عندى لها دليل ومستندات .

كوكو

بسم الله الرحمن الرحيم
السلام عليم ورحمة الله وبركاته
أكتب هذه المره لأرد على الذى يلقب نفسه بالباحث < طارق عبد المعطى >
أولا أنا مش الشخص الذى تشير عليه فى رسالتك السابقة ولا أعرف من هذا الشخص
ولكنى دخلت على هذا المنتدى بالصدفه الباحته وقرأت هذا الموضوع والذى أستفزنى هو تصديق مجموعة ضاله عن الطريق الصحيح لك
ولحسن الحظ أنا من نفس بلدك وأعرف أخوك معرفه شخصية
فرأيت من واجبى أن اعرفهم الحقيقة حتى لا ينخدعوا فيك
وعلشان تصدقك أنى صديق أخوك المحل لم يقدر ب 800000 ثمانون ألف جنيه بل ب 60000 ستون ألف جنيه
وأحب أقول كلمه لأعضاء هذا المتندى
أنتم لو عاوزيين تصدقوه صدقوه أنا كنت حابب أنصحكم لوجه الله فقط لاغير
وشكرا على سعة صدركم
والسلام عليكم ورحمة الله وبركاته

طارق

طبعا كدة انا حددت من الي بيتكلم الي بيتكلم هو الشخص الي خسارة فية كلمة انسان وهو يدعي محمد عادل طوله 130 سنتيمتر قزم يعني وتقريبا هو قزم في كل شئ لان المحل الذي امتلك ربعة واخلص فية مع اخي الان فصلة السماسرة بـ 140000 مئه واربعون الف جنية الوحيد المنافق الذي قلتها له في وجهه انه منافق هو الذي يعمل عندة هذا القزم بخس سعرة ما علينا
 

اعتزار
اعتزر لكل المشتركين في هذا المنتدي الذي وصفهم هذا القزم بأنهم ..

طارق

الحمد لله وجدت تركيبة مكونه من 28 عنصر كلها خلاصة زيوت طبيعية جزء منها فرعوني جبته من خلال ترجمتي والجزء الاخر جبته اجتهادي والحمد لله اعطي معي نتيجة كويسة جدا ومعي ثلاث حالات غيري والتقدم عندهم ملحوظ ممكن واحد يتخيل اني خدت فلوس منهم والي اتكلم واحد منهم طبعا لا لاني عامل التركيبة علي حسابي وهم علاقتي بيهم طيبة جدا ويتمنوا لي الرضا كي ارضا لما لاقوة من نتيجة مبهرة لان التركيبة تزيد من كثافة الشعر وتنشط الغدة المسئوله عن صباغة الشعر والحمد لله الي جربت معهم شافوا ناس تانية عاوزة تاخد مني التركيبة بفلوس ما هو برضة لابد استفيد من البحث دة الي خرب بيتي)

كوكو

مستـــــــــــــــر طارق بتاع كله

شعر؟ وأثار ؟ أحمــــــــــــــــــدك يارب

وأستاذنا العقاد مكنش قهوجي كما يقول طارق بس كان بيقعد على القهوة كزبون عادي

ههههههههههههههههههههههههههه
عرفتوا أنه نصاب بيقول أنه عالم أثار
ودكتور بيعالج تساقط الشعر

شريف

معذرة استاذ طارق صبرنا معك كثيراً وحاورناك كثيراً ولكننا للأسف لم نقتنع بنظريتك بتاتاً
وكفانا تضييعاً لوقتنا ووقت حضرتك فدلائلك ليست علمية فكلها مبنية على التخمين والتخيلات
واللعب على الجانب الإنساني لدى البعض فحضرتك تقنع البعض بنظريتك بجعلهم يتعاطفون
معك من جانب انساني بحت وليس من جانب علمي

 ناقص نقول المجانين بنعيم

استاذ طارق اذا كنت تريد مناقشة علمية فلم ادخلتنا في حوارات شخصية
يعني حضرتك يرضيك الشتايم اللي حصلت والأخ اللي حضرتك بعته عشان
يقولنا على نجاح وصفة الشعر انا مقبلش ابدا ان موقعنا يبقى وسيلة اعلانات
او وسيلة لعرض ممتلكاتك واسعارها وده السبب اللي خلاني اقفل الموضوع

مش هروب خالص انا صبرت معاك لآخر لحظة وازاي عايزني ارد على نظريتك

اذا كنت مش شايف لا انا ولا زمايلي انها اخطاء لشامبليون يبقى هنرد نقول ايه يعني
انا بقولك انها مش اخطاء واللي انت بتعرضه هو اللي خطأ

عارف يا استاذ طارق الكتاب ده عندنا في الآثار زي كراسة الخط اللي كنا بتاخدها في ابتدائ حاجة ملهاش لازمة

عذراً استاذ طارق انا قلبي وجعني بجد ووقتي ميسمحليش اني اضيعه في أي كلام نظرية حضرتك خاطئة بكل المقاييس
ووقتي اثمن بكتير من اني اضيعه في المناقشة دي انا ورايا التزامات كتير اولى من اني امشي ورا الأوهام اللي حضرتك بتقولها
استاذ طارق تعرف عالمة الآثار البريطانية نيكول هانسن ، في اخت زميلتنا كلمتها على حضرتك وقرت بحثك عارف قالت ايه

(this man should go to abasseya)
يعني حضرتك خليت الأجانب عرفوا العباسية كفاية بقى عايز تودينا فين تاني انا خلاص مش هتكلم تاني في المناقشة الغير متوافقة

لو حضرتك يا أخت نانسي تابعتي الموضوع من الأول هتلاقينا ردينا ونص
ولكين في حاجات مش محتاجة رد لأنها مبنية على باطل احنا ردينا
على أساس النظرية الباطلة لأستاذ طارق ومش محتاجين نرد على الفروع
لأن اساسها مردود عليه وردنا عليه انه باطل

وكمان متكرر في منتديات كتير وبردو بتقلب بخناقة
عارف ليه لأن طرف الخناقة كل مرة بيبقى استاذ طارق عبد المعطي

تعقيبا على ما سبق اعتقد انه موضوع مغلق منذ البداية لأن اللغة الهيروغليفية ليست وليدة يوم او شهر اوعام مع احترامى لتعدد الأراء لكن اعتقد ان تفسير الاستاذ طارق غير صحيح ويفتقد كثيرا للمنطق

انتهى  

http://www.freetalaba.com/board/index.php?s=fdde03bcd6b9be6c6c8ec6783e7b9d4b&showtopic=4330&st=90